उफ्रने, विभिन्न शैलीमा नाच्ने, कुट्ने, सहपाटी साथिहरुसँग अंकमाल गर्ने, आफूले लगाएको लुगाको उचालेर शरीरको माथिल्लो भाग देखाउने क्रियाकलाप खेलाडीहरुले आफुले प्रदर्शन गरेको खेलबाट खुसी भएपछि त्यसलाई मनाउने बेग्ला बेग्लै तरिकाहरु अपनाउने गरेका छन् । यी सबै प्रदर्सन आजभोली सामान्य जस्तै बनेका छन् ।

तर, इटालियन सिरिए फुटबलको शनिबार राति भएको खेलमा भने एक खेलाडीले मनाएको खुसी देखेर दर्शक साथै उनकै सहपार्टी साथीहरुपनि छक्क परे । प्रतियोगितामा अंक तालिकाको शीष स्थानमा रहेको युभेन्ट्सले पेस्कारालाई २-१ गोलले हरायो । युभेन्ट्सको जितका लागि दुवै गोल गरेका मिर्को भुसिनिचले जोशिलो मुद्रामा आफूले लगाएको जर्सीको कट्टु खोले जुन क्रियाकलापबाट सम्पूर्ण दर्शक तथा खेलाडी आश्चर्यमा परे ।

कट्टु हातमा बोकेर साथीहरुसँग अंकमाल गरेका उनले सो कार्यको भने महँगो मुल्य तिर्नुपर्यो । उनले तत्कालै रेफ्रिबाट पनि पहेँलो काड पाए ।

भुसिनिचेले खेलको ७२ औं र ७८ औं मिनेटमा एक एक गोल गरेका थिए, उनको पहिलो गोल पेनाल्टिमार्फत् थियो । पेस्काराका इमानुएल कासकोइनले ८३ औं मिनेटमा एक गोल फर्काएका थिए । जियोस्पी रिजोले ७२ औं मिनेटमा रातो कार्ड पाएपछि बाँकी समय पेस्काराले १० खेलाडीका साथ मैदानमा हट्नुपरेको थियो ।

तालिकाको शीर्ष स्थानमा रहेको युभेन्ट्सको ७१ अंक छ । युभेन्ट्स इटालियन सिरिएको साविक विजेता पनि हो ।