एक दशकअघि शिक्षण पेसा छाडेर डेढ विघा जग्गामा समान्य लगानी गरी व्यावसायी केराखेती थालेका टीकापुरका विनोद शाह अहिले करोडपति बनेका छन् । अहिले उनको केराखेती ७० बिघासम्म फैलिएको छ । यसमा उनले वाषिर्क करिब २ करोड रुपैयाँ खर्चिन्छन् तर कुनै बैंकबाट ऋण लिँदैनन् ।

केराखेतीबाटै भएको आम्दानीले टीकापुरमा करिब ६० लाख लगानीमा ओम डिजिटल कल ल्यावसमेत सञ्चालन गरेका छन् । यसैबाट उनले करिब १ करोडको घरजग्गा पनि जोडिसकेको खबर कारोबार दैनिकले छापेको छ ।

केरा बेचेर शाहले वाषिर्क २५ लाख भन्दा बढी मुनाफा गर्दछन् । केरा फार्ममा २ सय जनालाई रोजगारीसमेत दिएका शाहले कैलालीका अतिरिक्त बर्दिया, बाँके, दाङ, सुर्खेत, कञ्चनपुरलगायत जिल्लामा केरा बेच्ने गरेका छन् ।